Tarifa combina di BBO, BAVP y BAZV lo bira 7% entrante 1 di Januari 2023

The content originally appeared on: News Americas Now

Black Immigrant Daily News

The content originally appeared on: Diario

ORANJESTAD (AAN):  Faltando algun dia pa cera 2022, Departamento di Impuesto (DIMP), yama un conferencia di prensa pa asina por duna algun informacion relevante tocante e cambionan cu ta bay tin entrante 1 di Januari 2023, esta otro siman.

Directora, Luenne-Gomez-Pieters a duna di conoce cu DIMP kier duna informacion tocante e plan di impuesto 2023 mirando cu

ta hayando diferente pregunta y tin incertidumbre pa cu e plan aki.

Segun Gomez-Pieters, e plan di impuesto 2023 ta un plan hopi extensivo y ta cambionan den e leynan di impuesto cu tambe ta hopi tecnico y e lo purba splica un ke otro di un manera mas simpel pa tur hende por compronde.

El a agrega cu e obhetivo principal di e plan di impuesto 2023 ta e recuperacion di finansas publico. Tin compensacionnan y tin reparticion un tiki mas husto den e peso di impuesto y tambe tin cambionan cu ta mehora e cumplimento di tur ciudadano.

Pa loke ta e implementacion di e ley di e plan di impuesto ta mira cu tin cambionan cu lo drenta na vigor entrante 1 di Januari 2023 y kier mantene tur contribuyente informa di e cambionan mas importante pa asina nan tin e preparacion necesario.

E ley di e plan di impuesto a keda a proba oficialmente door di Parlamento diaranson 14 di December 2023 y a keda publica den ‘Afkondigingsblad van Aruba 2022 no. 161’.

Un di e prome cambionan cu ta hopi importante pa menciona ta cu ta introduci un tarifa nobo di BBO. E tarifa actual di BBO ta 1.5%, BAVP tambe ta 1.5% y BAZV ta 3% cu ta duna un tarifa total di 6%, Luenne Gomez-Pieters a indica.

E tarifa actual di BBO di 1.5% ta wordo ahusta na 2.5%. Esey kiermen cu tin un incremento di 1%. Ta introduci e tarifa nobo aki entrante 1 di Januari 2023 y e lo resulta den un tarifa combina di 7% di BBO, BAVP y BAZV.

NewsAmericasNow.com